Centre for Material Thinking

Lansiwyd y Ganolfan yn 2021 gyda sgwrs gan yr ysgolhaig dawns o Galiffornia, yr Athro Carrie Noland, ar waith Merce Cunningham. Gallwch wylio'r recordiad ar ein tudalen Digwyddiadau. StA ninnau’n dal i fod yng nghysgod pandemig Covid-19, bu’n rhaid cynnal llawer o'n sgyrsiau ar-lein, ond roedd hyn hefyd gyda'r bwriad o wella hygyrchedd a meithrin cyswllt â chynulleidfa ryngwladol ehangach (gan gofio bod Aberystwyth yn eithaf anodd ei chyrraedd i lawer o bobl!).

Rydym wedi ymrwymo i greu deialog rhwng cynulleidfaoedd academaidd ac anacademaidd, ac mae ein digwyddiadau yn agored i bawb. Rydym yn parhau i gynnal digwyddiadau ar-lein, wyneb yn wyneb a hybrid, cynnal gweithdai ymarferol a chomisiynu artistiaid ac awduron i ymateb i thema materoldeb.

Rydym yn dod ag artistiaid ac ysgolheigion ynghyd o ystod eang o ddisgyblaethau i drafod sut y gallai dulliau newydd o gynrychioli arwain at fwy o ymwybyddiaeth ynghylch y cydberthynas rhwng y dynol a’r tu hwnt. Ein nod yw agor gofod i feddwl am sut y daw pethau materol yn bwysig mewn ystod o gyd-destunau cymdeithasol-ddiwylliannol ac eco-wleidyddol.

Beth yw meddwl materol? Does gennym ni ddim yr atebion, ond rydym yn eich gwahodd ar ein taith i’w canfod.